தை மாத ராசி பலன் (14-01-2021 to 12-02-2021)
மேஷம்

தை மாத ராசி பலன்கள்

14.1.2021 முதல் 12.2.2021 வரை

கணித்தவர்: மு. திருஞானம், சீர்காழி.

மேஷம்

மேஷம் ராசி வாசகர்களே, கவலைகள் அனைத்தும் மறந்து போகும்படி மிக கொடுப்பினையுடன், வெகு அதிர்ஷ்டகரமாக வந்திருக்கிற மாதம். அதனால் எந்த வகையிலும் உங்களை இந்த மாதம் மனம் கலங்க வைக்காது. சச்சரவுகள் கிடையாது. வீண் தொந்தரவுகள் வந்து குறுக்கீடு செய்யாது. குடும்ப வகையில் என்னென்ன மாற்றங்களை செய்ய விரும்பி இருக்கிறீர்களோ, அதுவெல்லாம் நல்லவிதமாக மாற்றங்களை அடையப் போகிற மாதம்.

இல்லத்தாருடன் மிகப்பெரிய சந்தோஷ, அன்யோன்யம், குதுாகலம் உண்டாகிற மாதம். பொருளாதார வகையில் ஒரு புதிய ஏற்றம் ஏற்பட்டு, சந்தோஷத்தையும், அதன் மூலம் தேவை, அத்தியாவசிய, இத்தியாதி கடமைகள் நிறைவேறுவதும் நடக்கப் போகிறது.

அஸ்வினி மற்றும் பரணி நட்சத்திரக்காரர்களுக்கு கடந்த மாதம் 22ம் தேதியே அருமையானதொரு சிறப்பு, சந்தோஷ வாய்ப்புகள் கிடைத்துவிட்டன.

கார்த்திகையினர் மட்டும் லேசாக தடுமாற்றத்தில் இருக்கின்றனர். அது இந்த மாத 13ம் தினத்துக்கு பிறகு நல்லபடியாக மாறிவிட இருக்கிறது. மேலும் தொழில், வியாபார, உத்தியோக, நிர்வாக வகைகளில் சிறப்புகளாக குவியப் போகிறது சூரியனால். கடன், கண்ணி, தொல்லை, தொந்தரவுகள் ஏதும் அலைக்கழிக்காத மாதம்.

மொத்தத்தில் இந்த மாதம் மேஷ ராசிக்கு 90 சதவீத உயர்வுகளை ராசிக்கு 10ல் உள்ள சூரியன், சனி, குரு, புதன் கூட்டணி கொடுக்கப் போகிறது. இம்மாதம் புதன், வெள்ளி, ஞாயிற்றுக்கிழமைகள் எல்லாம் விசேஷ சவுகரியங்கள், சுபகாரிய திருப்பங்கள், திருமணம் கைகூடுதல் போன்றவை நடந்து முடியும். இம்மாதம் 6, 12, 17, 23, 26-வது தேதிகளில் நல்லவித ஏற்றம் காத்துள்ளது.

பெண்கள்:

கார்த்திகை நட்சத்திர பெண்கள் இல்லத்தில் கடுமையான பணிகளின் போது கவனம் தேவை.

மாணவர்கள்:

அஸ்வினி நட்சத்திரத்தினர் தங்களது உயர்கல்வி சார்பாக எந்தவித அலட்சியமும் காட்டக் கூடாது.

விவசாயிகள்: 

அற்புதமான உயர்வு மாதம்.

கலைஞர்கள்: 

இம்மாதம் 11ம் தேதிக்குப் பிறகு அதிர்ஷ்ட வாய்ப்பு உண்டு.

தொழிலதிபர்கள்: 

வெளியூர், அயல்மாநில, தொழில் திட்டங்களுக்கு வெற்றி நிச்சயம்.

உத்தியோகஸ்தர்கள்: 

பரணி நட்சத்திரத்தினருக்கு பெரிய பதவி யோகம் ஒன்று அடிக்கப் போகிறது.

அரசியல்வாதிகள்: 

முதல் வாரம் கடந்த பிறகு திடீர் பதவி கிடைக்கப் போகிறது.

அனுகூல நட்சத்திரம்: 

ரோகிணி, திருவாதிரை, பூசம், பூரம், சுவாதி, அனுஷம், அவிட்டம்.

பணவரவு: 

ஜனவரி; 14, 16, 17, 19, 22, 25, 26, 29, 31.

பிப்ரவரி; 1, 2, 3, 6, 8, 10, 11, 12.

கவன நாட்கள்:

ஜனவரி; 15, 18, 21, 26, 27, 30.

பிப்ரவரி; 2, 4, 7, 9.

பரிகாரம்: 

இம்மாதம் அமாவாசை, பவுர்ணமி தினங்களில் சரபேஸ்வரருக்கும் காளிதேவிக்கும் அபிஷேக அர்ச்சனை செய்து வழிபட்டுக் கொள்ளவும்.

ரிஷபம்

ரிஷபம்

ரிஷபம் ராசி வாசகர்களே, இந்த தை மாதம் மனதளவில் ஏகப்பட்ட நிம்மதியை தந்துவிட்டே வந்திருக்கிறது. ஒரு வழியாக அனைத்து கிரக கெடுபிடிகளும் கடந்த டிசம்பர் 2020, 27ம் தேதியே விலகி விட்டன.

அதனால் இனி உங்களிடம் தடாலடியான துணிச்சலை பார்க்க முடியும். அநாவசிய தயக்கம் எல்லாம் பறந்துவிட இருக்கிறது. ஆரோக்ய சம்பந்த இனம்புரியாத கவலைகளுக்கும் தீர்வு உண்டு.

இல்லத்தின் தேவை, கடமைகள் எல்லாம் இம்மாத 13வது நாளில் இருந்து மிக எளிதாக பூர்த்தியாகிற மாதம்.

வாழ்க்கைத் துணையால் எந்தவித சச்சரவாக இருந்தாலும் தீரப்போகிற மாதம். வாரிசுகள் சம்பந்தமான கவலை, சஞ்சலங்களுக்கும் தீர்வு காத்துள்ள மாதம். உத்தியோக பதவி, பொறுப்புகளில் ஒரு புது ஏற்றம் காத்துள்ளது.

தொழில், வியாபார, நிர்வாக விஷயங்கள் இரண்டாவது வார மத்தியில் இருந்து ஏற்றம் தரப்போகிறது. கடன், கண்ணி விஷயங்களால் இம்மாதம் முழுவதும் எவ்வித பிணக்கும் தொல்லையும் இல்லாத மாதம்.

சுபகாரிய, திருமண திட்டங்கள் நினைத்தபடியே ஈடேறுகிற மாதம். மிருகசீரிட இளம் இருபாலரும் இம்மாதம் கவனம் தேவை. ராசிக்கு 9ல் சூரியன், குரு, சனி கூட்டணி எதிர்பாராத பெரிய தொகையை தரப் போகிறது.

இம்மாத திங்கள், புதன், சனிக்கிழமைகள் புதிய பெரிய அதிர்ஷ்டங்களைக் கொடுக்கும். இம்மாத 3, 4, 9, 17, 25, 26ம் தேதிகள் வெகு அற்புதம்.

பெண்கள்: 

ரோகிணியினரின் வாழ்வில் புதிய அதிர்ஷ்ட திருப்தி காற்று பலமாக வீசப்போகிறது.

மாணவர்கள்: 

கார்த்திகையினர் இல்லத்தாரின் அறிவுரைகளை தட்டக் கூடாத மாதம்.

விவசாயிகள்: 

மிருகசீரிடத்தினர் தங்கள் திட்டம், இலக்கு, அரசு சகாயங்களை எளிதாக அடைகிற மாதம்.

கலைஞர்கள்: 

இம்மாத திங்கள் கிழமைகளில் உங்கள் எதிர்பார்ப்பும், முயற்சியும் நிறைவேறிவிடும்.

உத்தியோஸ்தர்கள்: 

உத்யோக, பதவி, பொறுப்புகளில் திடீர் மாற்றம், உயர்வு அதிர்ஷ்டகரமாக உண்டு.

அரசியல்வாதிகள்: 

இம்மாத இறுதி வாரம் கட்சி ரீதியாக எதிர்பார்த்துள்ள மேன்மைகள் திடீரென கிட்டும்.

அனுகூலநட்சத்திரங்கள்: 

மிருகசீரிடம், திருவாதிரை, பூசம், மகம், அனுஷம், திருவோணம், ரேவதி.

பணவரவு: 

ஜனவரி  14, 15, 19, 20, 22, 26, 29, 31.

பிப்ரவரி.  1, 2, 4, 7, 8, 9, 12.

கவன நாட்கள்:

ஜனவரி  14, 18, 21, 27.

பிப்ரவரி.  3, 5, 6, 10.

பரிகாரம்: 

இம்மாத செவ்வாய்க் கிழமைகளில் சுப்ரமணியருக்கு அபிஷேகம் செய்வித்து வழிபடவும்.

மிதுனம்

மிதுனம்

மிதுனம் ராசி வாசகர்களே எல்லையில்லாத சந்தோஷங்களைத் தருகிற மாதம். குறிப்பாக, இந்த தை மாதத்தில் மிருகசீரிடம் மற்றும் புனர்பூசம் நட்சத்திரக்காரர்கள்  85 சதவீத யோக அதிர்ஷ்டங்களை அனுபவிக்கப் போகிற மாதம். திருவாதிரையினர் மட்டும் இந்த மாதம் துவங்கி 6ம் தேதி வரை இவர்களது அவசியமான முக்கிய விஷயங்களில் சர்வ கவனமாக செயல்படுவது நலம், ஆரோக்ய விஷயத்திலுமே.

மற்றபடி குடும்ப சூழல் இந்த மாதம் முழுவதும் அற்புதமான சந்தோஷ மகிழச்சியுடனேயே நகரப் போகிறது. குடும்பத்தார் வகையிலும், வாரிசுகள் சார்பாகவும் நிறைய குதுாகலம், அன்யோன்ய மேன்மை கூடுதலாகபோகிற மாதம். தேவை, கடமை, அத்தியாவசிய விஷயங்கள் உபரியாகவே பூர்த்தியாகும். கடன், கண்ணிவிவகாரங்களால் பெரிய அலைக்கழிப்பு ஏதுமில்லை.

இம்மாதம் 12வது தினம் முடிவதற்குள் எந்த ரூபத்திலோ பெரியதொரு தொகை திடீரென பரிசு, வரவு போல் காத்திருக்கிறது. அதனை கொண்டு உங்களது பாதி பிரச்னையை தீர்த்துவிட இருக்கிறது.

தொழில், வியாபாரத்தில் வளர்ச்சி அதிகரிக்கப் போகிறது. உத்தியோக, பதவி, பணி பொறுப்புகளில் 2வது வார நாலாவது நாளிலிருந்து ஏகப்பட்ட சந்தோஷ உயர்வு அதிர்ஷ்ட திருப்புமுனைகள் ஏற்படும். வழக்கு, சச்சரவுகள் ஏற்படாது.சொத்துபத்து பிரச்னைகள் 55 சதவீதம் சாதகத்தை தரும்.

 வாகனங்கள் கொஞ்சம் செலவு வைக்கும்தான்.சுபகாரிய திருமண விஷயங்கள் நீங்கள் நினைத்துள்ளபடி ஈடேறப் போகிற மாதம். பொதுவில் இம்மாதம் வியாழன், சனி, திங்கள் கிழமைகளில் எதிர்பாராத நன்மைகள் உண்டு. இம்மாதம்  2, 7, 8,13, 16, 21வது நாட்களிலெல்லாம் சிறப்புகள் எந்த ரூபத்திலோ அலைமோதப் போகிறமாதம்.

பெண்கள்: 

புனர்பூச நட்சத்திரகாரர்களுக்கு வாழ்க்கைத்துணை சார்பான பிரச்னைகளுக்கெல்லாம் தீர்வு உண்டாகிற மாதம்.

மாணவர்கள்: 

மிருகசீரிடத்தினர் கல்வி முன்னேற்றத்தை மட்டுமே கருத்தாக கொள்க.

விவசாயிகள்: 

திருவாதிரையினரின் நிலபுலன் சார்பாக முளைத்துள்ளசிக்கல் வழக்கெல்லாம் முடிவுக்கு வரப்போகிறது.

கலைஞர்கள்: 

இம்மாதம் 20ம் தேதிக்குப் பிறகு பெரியதிடீர் அதிர்ஷ்ட வாய்ப்பு ஏற்படும்.

தொழிலதிபர்கள்: 

அயலூர், அயல்மாநில புதிய தொழில் யோசனைகளுக்கு மனதிருப்தியான வெற்றி உண்டு.

உத்தியோகஸ்தர்கள்: 

புனர்பூசத்தினருக்கு எதிர்பாராத பதவி உயர்வுஒன்று கிட்டப் போகிற மாதம்.

அரசியல்வாதிகள்: 

மூன்றாவது வாரம் முடிந்த பிறகு கட்சி ரீதியாகபுதிய பதவி ஒன்று கிடைக்கப் போகிறது.

அனுகூலம் நட்சத்திரம்: 

பூசம், மகம், உத்திரம், சுவாதி, அனுஷம்,ரேவதி.

பணவரவு: 

ஜனவரி  14, 18, 21, 24, 25, 26, 29, 31

பிப்ரவரி.  1, 2, 6, 9, 11, 12

கவன நாட்கள்: 

ஜனவரி  15, 17, 19, 23, 30,

பிப்ரவரி.  3, 6, 8, 10

பரிகாரம்: 

இம்மாதம் சனி மற்றும் செவ்வாய்க் கிழமைகளில் நவக்கிரக வலம்வந்து சனிக்கும், கேதுவுக்கும் ப்ரீதி பரிகாரம் செய்து கொள்ளவும்.

கடகம்

கடகம்

கடகம் ராசி வாசகர்களே, இம்மாதம் கடக ராசியினருக்கு 80 சதவீத கிரக சாதகங்கள் மிகஅருமையாகவே இருக்கிறது. எதை தொட்டாலும் அதிர்ஷ்ட வெற்றி காத்திருக்கிற மாதம். எது சம்பந்த கோளாறும் நெருக்கப் போவது கிடையாது. போட்டியில்லை, புதிய நெருக்கடியில்லை, வீண் தொந்தரவுகள், அநாவசிய பிரச்னைகள் எதுவும் ஏற்படாத மாதம்.

 இல்லறம் வெகு இனிமையாகவே இருக்கப் போகிறது. ராசிக்கு 4ல் எந்த கிரகமும் இந்த மாதம் இல்லாத நிலையும் 7ம் இடத்தில் 4 கிரக கூட்டணியும் உங்களது வாழ்க்கையில் எதிர்பாராத பெரியதொரு திருப்பத்தை ஏற்படுத்துகிற மாதம். மாதம் துவங்கி 24ம் தேதி வரை ஆரோக்ய ரீதியாக எந்த ஒரு குழப்பமும் ஏற்பட சாத்தியமில்லை. பணம், காசு வரவுகளுக்கு பஞ்சமே இல்லாத மாதம். நடக்க வேண்டிய விஷயத்திற்கு தேவைப்படும் பொருளாதாரம் எங்கிருந்தோ, எந்த ரூபத்திலோ கண்டிப்பாக வரும்.

இம்மாதம் 2வது வாரம் முழுவதும் உபரி வருமான வரவுகள் அதிகரிக்கப் போகிறது. அத்துடன் பெரிய தொகையாக யாரிடமாவது கடன் கேட்டிருப்பின் தங்கு தடையின்றி கிடைத்துவிடும். தொழில், வியாபார நிர்வாக சிரமங்கள் விலகி விடுகிற மாதம். உத்தியோக பணி, பொறுப்பு விஷயங்கள் 75 சதவீத அனுகூலத்தை உத்தியோக இடத்திலிருந்து ஏற்படுத்துகிற மாதம்.

 ஆயில்யம் நட்சத்திரத்தினர் சொத்துகளால் பெரிய லாபத்தை அடையப் போகின்றனர். எதிரி, எதிர்ப்பு, தொந்தரவுகள் ஓய்ந்துவிடப் போகிறது. சுபகாரிய திருமணம் மற்ற பிற சுப சடங்குகளும் நல்லபடியாக நிறைவேறுகிற மாதம். இம்மாதம் வெள்ளி, புதன், ஞாயிற்றுக் கிழமைகளிலும் மாதம் துவங்கி 4, 8, 9, 13, 17, 25, 17ம் தேதிகளிலும் சந்தோஷ லாப அதிர்ஷ்டஉயர்வு உண்டு.

பெண்கள்: 

பூச நட்சத்திரத்தினர் பல மாதங்களுக்குப் பிறகு பெரிய மன சந்தோஷத்தை அடைய இருக்கின்றனர்.

மாணவர்கள்: 

புனர்பூசத்தினருக்கு திட்டமிட்டு இருக்கிற உயர்கல்விக்கு தடை ஏற்படாத மாதம்.

விவசாயிகள்: 

பூசம் நட்சத்திரத்தினர் உற்பத்தி சார்பாக 11வது தினத்திற்குப் பிறகு சந்தோஷத்தை தொடப் போகிறார்கள்.

கலைஞர்கள்: 

பல மாத திட்டத்திற்கும், எதிர்பார்ப்புக்கும் புதிய வழி ஏற்பட்டு பெரிய அதிர்ஷ்டம்.

தொழிலதிபர்கள்: 

எதற்கும் தடையில்லாத வளரச்சியை முதல் வாரம் கடந்த பிறகு சந்திப்பீர்கள்.

உத்தியோகஸ்தர்கள்: 

உயர் பொறுப்பு பதவி தானாக வாய்க்கப் போகிற மாதம்.

அரசியல்வாதிகள்: 

20ம் தினத்திற்கு பிறகு கட்சி மேலிடம் வலுக்கட்டாயமாக பதவி தரப்போகிறது.

அனுகூல நட்சத்திரம்: 

உத்திரம், அஸ்தம், விசாகம், அனுஷம், மூலம், சதயம், பரணி

பணவரவு: 

ஜனவரி  14, 16, 17, 18, 21, 23, 26, 27, 31,

பிப்ரவரி.  1, 4, 7, 8, 9,12

கவனம்: 

ஜனவரி  15, 17, 20, 24, 28,

பிப்ரவரி.  2, 4, 5, 10, 11.

பரிகாரம்: 

இம்மாதம் திங்கட்கிழமைகளில் அம்பாள் வழிபாடும் செவ்வாய்க் கிழமைகளில் காளிதேவி வழிபாடும் வைத்துக் கொள்ளவும்.

சிம்மம்

சிம்மம்

சிம்மம் ராசி வாசகர்களே, இம்மாதம் ராசிநாதன் 5, 6க்குடையவர்கள் சேர்ந்து 6ம் இடத்தில் நிற்பதும், சுக பாக்யாதிபதியான செவ்வாய் கிரகம் ஆட்சியோடு 9ம் இடத்தில் அமர்ந்திருப்பதும், சிம்ம ராசியினர் அனைவருக்குமே தலைகால் புரியாத மிகப்பெரிய அதிர்ஷ்ட நிறைவேற்றங்கள் கிடைக்கப் போகிறது.

 மாத துவக்க நேரத்தில் ஒவ்வொரு கிரகத்திற்கும் அதிர்ஷ்ட யோக சம்பந்தம் இருப்பதால் எதை தொட்டாலும் பரிபூரணமான சவுகரிய உயர்வுகள் கிடைக்கப் போகிற மாதம். ஆரோக்யத்திற்கு எந்தவிதத்திலும் தொல்லை, தொந்தரவு ஏற்படாது. சுமைகள் எது ரூபமாக இருப்பினும் சட்டென இந்த மாதத்தில் தீர்ந்துவிடும். குடும்பப் பிரச்னை, உறவுகள் சார்பான சச்சரவு எல்லாவற்றிற்கும் புதிய ரூபத்தில் தீர்வு கிடைக்கப் போகிறது.

மாதம் துவங்கியதிலிருந்து உங்களது மனம் குதுாகலமாகவும் புதிய நம்பிக்கை மகிழ்ச்சியோடும் நகரப் போகிறது. பணம், காசு பெரிய தொகை நிறையவே புரளும் மாதம். கடன், கண்ணி, வழக்குகளால் அலைக்கழிப்பு இல்லை. எதிர்ப்பு, போட்டி, கோர்ட் பிரச்னைகள் முடிவுக்கு வரும்.  சுபகாரிய திருமண சடங்குகள் இம்மாத முதல் வாரமே நல்லபடியாக கைகூடி விட இருக்கிறது. வாரிசு சம்பந்த புத்திர பாக்கிய ஏக்கத்திற்கும் மனமகிழ்ச்சி காத்துள்ளது.

உத்தியோக பதவி, பொறுப்பு விஷயங்கள் இனிமேல்தான் நீங்கள் விருப்பப்பட்டபடி நகரப் போகிறது.தொழில், வியாபார நிர்வாகம்  லாப ஆதாயத்தையும், நிர்வாக ஒழுங்கையும் அடைகிற மாதம். இம்மாதம் அதிர்ஷ்டசாலிகளாக உத்திரம் மற்றும் மக நட்சத்திரக்காரர்களே. இம்மாத ஞாயிறு, திங்கள், வியாழக் கிழமைகளிலும் மாதம் துவங்கி 3 மற்றும் 5, 9, 14, 19, 22ம் தேதிகளிலும் வெகு சூப்பரான அதிர்ஷ்ட சவுகரியங்களும் உண்டு.

பெண்கள்: 

மகம் நட்சத்திரத்தினருக்கு புதிய அதிர்ஷ்ட வசந்தம் வீசப்போகிற மாதம்.

மாணவர்கள்: 

உத்திரம் நட்சத்திரத்தினர் கல்வி சம்பந்தமான விஷயத்தில் மட்டும் நாட்டம் வைக்கணும்.

விவசாயிகள்: 

நினைத்துப் பார்க்க முடியாத ஒரு சந்தோஷம் உற்பத்தி வகையில் அபரிமிதமாக உண்டு.

கலைஞர்கள்: 

இதுவரை கிடைக்காத, நீங்கள் மிகவும் எதிர்பார்த்திருந்த வாய்ப்பு ஒன்று திடீரென கிட்டும்.

தொழிலதிபர்கள்: 

அயலுார், அயல்மாநில தொழில், பட்ஜெட் சார்பாக ஏற்பட்ட கவலைகள் அனைத்தும் தீரும்.

உத்தியோகஸ்தர்கள்: 

மாதம் துவங்கி 8வது தினத்திற்குப் பிறகு உத்யோக இடத்திற்கு ஆச்சரிய உயர்வு.

அரசியல்வாதிகள்: 

நீங்கள் நினைத்தது அனைத்துமே கட்சி சார்பாக தானாக நடக்கப் போகிறது அதிர்ஷ்டத்துடன்.

அனுகூல நட்சத்திரம்: 

அஸ்தம், சுவாதி, அனுஷம், மூலம், அவிட்டம், ரேவதி, ரோகிணி

பணவரவு: 

ஜனவரி  14, 15, 17, 20, 22, 23, 24, 27, 31,

பிப்ரவரி.  1, 2, 3,7, 10, 12.

கவன நாட்கள்:

ஜனவரி  15, 16, 19, 25, 29,

பிப்ரவரி.  2, 5, 8, 11

பரிகாரம்: 

இம்மாத ஞாயிற்றுக்கிழமையில் சூரியனுக்கும் சிவ பெருமானை அர்ச்சனை செய்து வழிபடவும்.

கன்னி

கன்னி

கன்னி ராசி வாசகர்களே, இம்மாதத்தில் பலவித சிறப்பு காரிய வெற்றிகளை அடையப் போகிற மாதம். செவ்வாய்க் கிரகத்தை தவிர மற்ற அனைத்து கிரகங்களும் அதிர்ஷ்ட சஞ்சாரத்தில் சுழல்கின்றன. அனைத்து காரிய ஜெயத்துக்கும் கேது கிரகம் பக்கபலமாக நிற்கும். சனி கிரகம் ஆரோக்ய சச்சரவுகளை விரட்டியடித்து விடும். இல்லற மகிழ்ச்சிகளை சுக்கிர கிரகம் வெகு தாராளமாக உயர்த்திக் கொண்டே இருக்கும். முடிக்க முடியாத விஷய வெற்றிகளை குருபகவான் இந்த மாத 14வது தினத்துக்குள் வெற்றியாக்கி விடுவார்.

 உத்தியோக, பணியிட கடுமைகளை சூரிய கிரகம் நிறுத்தி, நிம்மதியை உண்டாக்கும். பணம், காசு பொருளாதார தட்டுப்பாடுகளை ராகு கிரகம் சரி செய்து கொண்டே வரும். தொழில், வியாபார, நிர்வாக விஷய பிரச்னைகளை குரு, சனி சேர்க்கை தவிடு பொடியாக்கி விடும். உத்தியோக இட சார்பாக ஆக வேண்டிய இடமாற்றம், பதவி உயர்வுகளை உங்கள் ராசிநாதனான புதன் கிரகமே இம்மாதம் தந்து திடீர் மன நிம்மதி ஆச்சரிய சந்தோஷங்களை தரப்போகிறது.

கடன், கண்ணி சார்பான நிம்மதிக் குறைவை சந்திர கிரகம் சரி செய்து கொண்டே வரப்போகிறது. ஆக மொத்தம் கன்னி ராசியினரை இம்மாத முடிவுக்குள்  90 சதவீதம் உயர்த்தி விடுவதாக கிரகங்கள் முடிவு செய்து விட்டன. சுபகாரிய திருமண மற்றபடி சுபசடங்கு விஷய தடை, குறுக்கீடுகள் அனைத்தும் விலகுகிற மாதம்.

புதிய சொத்துபத்து, ஆபரண, வாகன சேர்க்கைகள் நிகழ்கிற மாதம். இம்மாத ஞாயிறு, செவ்வாய், புதன்கிழமைகளிலும் 8, 11, 13, 19, 24, 29ம் தேதிகளிலும் சந்தோஷ மேன்மை சிபாரிசுகள் உண்டு.

பெண்கள்: 

உத்தரம் நட்சத்திரத்தினர் அனைத்து சந்தோஷ உயர்வுகளையும் இந்த மாதம் தொட்டுதான், அனுபவிக்கப் போகின்றனர்.

மாணவர்கள்: 

சித்திரையினர் இனிமேல் முழு நாட்டம் செலுத்தனும்.

விவசாயிகள்: 

எதற்கும் தடை ஏற்படாத லாப உயர்வு நிம்மதி மாதம்.

கலைஞர்கள்: 

மாதம் துவங்கி 4ம் தேதிக்கு பிறகு அதிர்ஷ்ட உயர்வுகள் நிச்சயம்.

தொழிலதிபர்கள்: 

இலக்கு வைத்துள்ள நீண்ட கால ஆசையாக உள்ள பெரிய தொழில் துவக்க எண்ணம் நிறைவேறும்.

உத்தியோகஸ்தர்கள்: 

இம்மாத 17ம் தேதிக்கு பிறகு ஆச்சரியப்படுகிற உத்தியோக பதவி சம்பள உயர்வுகள் உண்டு.

அரசியல்வாதிகள்: 

இம்மாத 3வது வார 2வது நாளுக்குப் பிறகு இனிப்பு கொடுக்கப் போகிற சிறப்பு உயர்வுகள் நிச்சயம்.

அனுகூல நட்சத்திரம்: 

விசாகம், கேட்டை, மூலம், திருவோணம், அவிட்டம், அஸ்வினி, திருவாதிரை.

பண வரவு: 

ஜனவரி  16, 16, 18, 20, 21, 23, 24, 26, 28, 30, 31, பிப்ரவரி.  2,5, 7, 8, 9, 12

கவன நாட்கள்: 

ஜனவரி  14, 17, 20, 22, 25, 29,

பிப்ரவரி.  1, 3, 6, 10

பரிகாரம்: 

இம்மாதம் வியாழக்கிழமைகளில் சுப்ரமணியர் வழிபாடும் வெள்ளிக்கிழமைகளில் மகாலட்சுமி வழிபாடும் வைத்துக் கொள்க.

துலாம்

துலாம்

துலாம் ராசி வாசகர்களே, துலாம் ராசியினருக்கு இப்போது அர்த்தாஷ்டம சனியாக 4ம் இட குருவாக இருந்தாலுமே இந்த மாதம் பொன்னான அதிர்ஷ்டகர உயர்வு மாதமாகவே இருக்கிறது. எது சார்பாகவும் குழப்பங்கள் ஏற்படாது. அநாவசிய தொல்லை, தொந்தரவுகள் உண்டாகாது. அனைத்து காரியங்களுமே நல்லபடியாக ஜெயமாகும். இல்லத் தேவைகளும் சுபமாக உபரியாக பூர்த்தியாகும். கடன், கண்ணி, கொடுக்கல், வாங்கல் தொந்தரவுகள் எது வகையில் இருந்தாலும், சுமூகமாக தீரப்போகிற மாதம்.

உத்தியோக வகையிலும், வியாபார நிர்வாக வகையிலும் புதிய ஏற்றங்கள் உண்டு. எதிர்ப்பு, போட்டி விஷயங்கள் அனைத்தும் தவிடு பொடியாகப் போகிறது. சொத்துபத்து ரீதியான சங்கடங்களோ, அது சம்பந்த கோர்ட், காவல்துறை பிரச்னைகளோ இருப்பின், அது இந்த மாத 16வது தினத்திற்குப் பிறகு அது நன்மைகரமான மாறுதலை தரும். மணவாழ்க்கை ரீதியாக தற்சமயம் அதிகப்படியான கோபம், கருத்து வேறுபாடுகளை விலக்க வேண்டிய மாதம். சுபகாரிய திருமண, மற்ற பிற திட்டமிட்டுள்ள சுபசடங்குகளுக்கு நிறைவேற்றம் உண்டாகிற மாதம்.

சுவாதியினர் இந்த மாத 9ம் தினத்திற்குப் பிறகு அனைத்து விஷயத்திலும் முன்னெச்சரிக்கையோடு செயல்படனும். அயலூர், அயல்மாநில தொழில் திட்டங்களெல்லாம் 65 சதவீத மேன்மைகள் காத்துள்ளது. பணி பொறுப்பு, பதவி விஷயங்களில் இந்த ராசியினர் அனைவருக்கும் இம்மாத 20வது தினம் கடந்த பிறகு உயர்வான அதிர்ஷ்ட செய்திகள் காத்துள்ளன. மேலும் ஊதியம், பென்ஷன் சம்பந்தப்பட்ட சங்கடங்கள், கோளாறுகள் விலகி மன மகிழ்ச்சி தருகிற மாதம்.

இம்மாத புதன், செவ்வாய், சனிக்கிழமைகளில் எல்லாம் பணவரவு, பொருள் சேர்க்கை, ஆபரண, வாகன சேர்க்கையும் உண்டு. இம்மாத 6, 9, 12, 15, 19, 22ம் தேதிகளில் எதிர்பாராத விசேஷ நன்மைகளும் திடீர் பரிசு பண வரவுகளும் காத்துள்ள மாதம்.

பெண்கள்: 

இதுவரை கஷ்டப்பட்டு வந்த நிலைமையெல்லாம் அடியோடு விலகப் போகிறது.

மாணவர்கள்: 

கல்வியில் இனிமேல்தான் நினைத்ததை தாண்டிய உயர்வு சந்தோஷங்கள்.

விவசாயிகள்: 

சித்திரையினருக்கு தங்களது நிலபுலன் உற்பத்தி சார்பான மேன்மைகள் காத்திருக்கிறது.

கலைஞர்கள்: 

எந்த விஷயத் தொடக்கத்திற்கும் தடையே இல்லை. துணிச்சலாக களமிறங்கி விடலாம்.

தொழிலதிபர்கள்: 

உழைப்பு, அலைச்சல் அனைத்தையும் தாண்டிய ஒரு இமாலய உயர்வு நிச்சயம் காத்திருக்கிறது.

உத்தியோகஸ்தர்கள்: 

எவராலும் தடை, குறுக்கீடு ஏற்படாத அற்புத உயர்வு மாதம்.

அரசியல்வாதிகள்: 

இம்மாத 23ம் தேதிக்குப் பிறகே கட்சி ரீதியாக அப்படியும் இப்படியுமாக உள்ள விஷயங்கள் விலகி உயர்வு.

அனுகூல நட்சத்திரம்: 

அனுஷம், பூராடம், திருவோணம், உத்திரட்டாதி, ரோகிணி, பூசம்.

பண வரவு: 

ஜனவரி  14, 15, 17, 18, 20, 22, 23, 26, 29, 31,

பிப்ரவரி.  1,2, 5, 8, 11, 12.

கவன நாட்கள்: ஜனவரி  15, 16, 19, 21, 23,

பிப்ரவரி.  3, 6, 10, 11.

பரிகாரம்: 

இம்மாத ஞாயிறு மற்றும் புதன் கிழமையில் சிவபெருமானையும், பெருமாளையும் அர்ச்சனை செய்து வழிபடுக.

விருச்சிகம்

விருச்சிகம்

விருச்சிகம் ராசி வாசகர்களே, கடந்த டிசம்பர் 27ம் தேதியே உங்கள் ராசியை 8ஆண்டுகளாக கஷ்டப்படுத்திக் கொண்டிருந்த ஏழரை சனிக் காலம் முடிந்து விட்டது. அதனால் இனிமேல் உங்களுக்கென எல்லா விஷயத்திலும் ராஜயோகமான உயர்வு காலம் துவங்கிவிட்டது என்றும் சொல்லிவிடலாம்.

ஆக எங்கும் எதிலும் இனிமேல் பிரச்னை என்பதற்கே இடமில்லை. குடும்ப நிலைமை வெகு அருமையாக நகரப் போகிற மாதம். இல்லற மகிழ்ச்சி இரட்டிப்பாக குதுாகலத்தை கொடுத்துக் கொண்டிருக்கும். வாரிசுகளால் புதிய வகை மகிழ்ச்சி கிடைக்கப் போகின்றன.

உறவுகளாலும் சந்தோஷ சம்பவங்கள் நடக்கப் போகிற மாதம். இல்லத் தேவை, கடமை

அத்யாவசிய கடமைகள் திட்டமிட்டுள்ளதைத் தாண்டி பூர்த்தியாகப் போகிறது.

பணம், காசு, விஷய நெருக்கடிகள் ஏற்படாத மாதம். கடன், கண்ணி எதிர்ப்பு விஷயங்களால் எந்தவித உபத்திரவும் இல்லை. சொத்துபத்து ரீதியான,உத்தியோகம், பணி, பொறுப்பு, பதவி, ஊதிய விஷயங்களில் இனிமேல் தொடர் அதிர்ஷ்டங்கள் தான்.

தொழில், வியாபாரம் நீங்கள் எதிர்பார்த்து திட்டமிட்டு இருப்பதைப் போலவே உயர்வைக் கொடுக்கப் போகிறது.

திருமண சுபகாரிய விஷய முயற்சிகளில் இனிமேல் தடையே கிடையாது. புத்திர பாக்கிய வாரிசு ஏக்க குறைபாடுகள் அனைத்தும் தீரப்போகிறது.

பொதுவாக அனைவருக்கும் இம்மாத பவுர்ணமி மற்றும் வெள்ளி, புதன், திங்கள் கிழமைகளில் எதிர்பாராத விசேஷ உயர்வுகள் உண்டு.

இம்மாத 5, 8, 11, 14, 22, 26ம் தேதிகளில் பொன், பொருள், வாகன, சொத்துபத்து சேர்க்கை மகிழ்ச்சிகள் எதிர்பாராத விதத்தில் சேரப் போகிறது.

பெண்கள்: 

இல்லத்தில் நிலவிய இருள் சூழ்ந்த நிலைமைகள் மாறப்போகிற மாதம்.

மாணவர்கள்: 

கல்வியில் இனிமேல் எவ்வித இடையூறும் தடையும் ஏற்படாது.

விவசாயிகள்: 

அனுஷ நட்சத்திரத்தினருக்கு எண்ணற்ற திருப்பங்கள் உயர்வுடன் காத்திருக்கிறது.

கலைஞர்கள்: 

தொடர்ச்சியான அதிர்ஷ்ட மாற்றங்கள் ஏற்படப் போகிறது.

தொழிலதிபர்கள்: 

பெரிய பட்ஜெட் முதலீடுகளால் இதுவரை இழந்த இழப்புகளுக்கு இந்த மாதம் தொட்டு ஈடுகட்ட போகிற அதிர்ஷ்டம்.

அரசியல்வாதிகள்: 

கட்சி, மேலிடம் நீங்களே ஆச்சரியப்படுகிற உயர்வு ஒன்றை தரப்போகிறது.

அனுகூல நட்சத்திரம்: 

மூலம், உத்திராடம், அவிட்டம், சதயம், அஸ்வினி, ரோகிணி, புனர்பூசம்.

பணவரவு: 

ஜனவரி  14, 17, 18, 19, 22, 23, 27, 28, 31,

பிப்ரவரி.  1, 2,5, 8, 11, 12

கவன நாட்கள்: 

ஜனவரி  15, 18, 20, 21, 26.

பரிகாரம்: 

இம்மாத அமாவாசை, பவுர்ணமிகளில் காளிக்கு அபிஷேக ஆராதனை செய்து பிரார்த்தனை செய்து வழிபடுக.

தனுசு

தனுசு

தனுசு ராசி வாசகர்களே, ஏழரை சனியில் 5 ஆண்டுகளைகடந்துவிட்ட மாதமாக உங்கள் ராசிக்கு பிறந்து இருக்கிற அதிர்ஷ்டகர மாதம். இதுதான் ராசிநாதன் சுபஸ்தானத்தில் நிற்கிறார். இவருடன் சூரியனும், சனியும், புதனும் கூடியிருக்கிறார்கள். இதனால் மாதம் முழுவதும் தன ஸ்தானம் வலுவாகவே இருக்கிறது. குடும்ப ஸ்தானமும் பலமடைந்து இருக்கிறது. எனவே உங்களது காரியங்களில் முழு வெற்றி பிசிறு தட்டாமல் கிடைக்கப் போகிற உயர்வான மாதம்.

 மாத துவக்கமே செழிப்பான பொருளாதார வசதிகளுடன்தான் இருப்பீர்கள். இம்மாதம் துவங்கி 19வது தினம் வரை பொருளாதார குறையில்லாமல் நகர்த்தப் போகிறீர்கள். இல்லற இனிமை துாக்கலாகவே இருக்கும். வாரிசுகள் வகையில் புதிய சந்தோஷங்கள் ஏற்படுகிற மாதம். கடன் கண்ணி, எதிர்ப்பு, உபத்திரவங்கள் இந்த மாதத்துடன் பறந்துவிடும். உத்தியோகம், பணிபொறுப்பு வகை சங்கடங்கள் 80 சதவீத தீர்வுக்கு வந்துவிடுகிற மாதம்.

 தொழில், வியாபார வகைநெருக்கடிகளும், நிர்வாக சிக்கலும், தீருகிற மாதம். புதிய சொத்து வாங்குகிற யோசனைகளுக்கு அதிர்ஷ்ட முடிவு உண்டு. இனிமேல் இல்லத்திற்கு தேவையான சுபகாரிய திருமண சடங்குகளுக்குக்கான பொன் பொருள் சேருகிற யோக காலம் துவங்கிவிட்டது.  புத்திர பாக்கிய ஏக்கங்களுக்கும்,சஞ்சலங்களுக்கும் விடிவு காலம் உருவாகி இருக்கிற மாதம்.

இம்மாத சனி, திங்கள், புதன்கிழமைகளிலும் இம்மாத 2, 8, 9, 13, 16, 27ம் தேதிகளில் எதிர்பாராத சுபிட்ச மேன்மைகள் அதிகரிக்கப் போகிறது. இந்த நாட்களில் புது வாகனம், புதுமனைவாங்குகிற யோகமும் உண்டு. உத்திராட நட்சத்திரத்தினர் மட்டும் இம்மாத 24ம் தினத்திற்கும்பிறகே சங்கடங்களிலிருந்து வெளிவருவர், நிம்மத்தியுடன்.

பெண்கள்: 

மூலம் நட்சத்திரத்தினருக்கு ஏற்பட்ட அத்தனை பாதக, சங்கடங்களும் விலகி விட்ட மாதம்.

மாணவர்கள்: 

இனிமேல் கல்விசார்பாக எந்த சங்கடமும் ஏற்படாது.

விவசாயிகள்: 

உத்திராட நட்சத்திரத்தினர் அனுபவித்து வரும் எண்ணற்ற இழப்புகளுக்கு விடிவுத் தரும் மாதம்.

கலைஞர்கள்: 

இந்தமாத 7ம் தினத்திற்குப் பிறகு புதிய நம்பிக்கை அதற்கான பெரிய வாய்ப்பு அதிர்ஷ்டத்துடன் உண்டு.

தொழிலதிபர்கள்: 

பெரிய பட்ஜெட்தொழில் சார்பாக ஏற்பட்ட போட்டி அரசாங்க இடையூறு அனைத்தும் இம்மாதம் தீரும்.

உத்தியோகஸ்தர்கள்: உத்தியோக இடத்தால் அனுபவித்த அத்தனை சச்சரவுகளுக்கும் தீர்வு உண்டாகிற மாதம்.

அரசியல்வாதிகள்: 

உங்களது அனைத்துகட்சி சார்பான திட்டமும், முடிவும் 26வதுதினத்திற்குப் பிறகே பலிதமாகும்.

அனுகூல நட்சத்திரம்: 

உத்திராடம்,அவிட்டம், ரேவதி, ரோகிணி, திருவாதிரை, மகம், அஸ்தம்.

பணவரவு : 

ஜனவரி  14, 16,19, 21, 22, 23, 25, 28, 31,

பிப்ரவரி.  1, 2, 7, 8, 9, 12

கவன நாட்கள் : 

ஜனவரி  15, 17,21, 24, 29,

பிப்ரவரி.  2, 3, 6, 11.

பரிகாரம்:

இம்மாத திங்கள்மற்றும் சனிக்கிழமைகளில் சிவபெருமானுக்கும், நந்திகேஸ்வரருக்கும் அபிஷேகம்செய்து வழிபட்டுக் கொள்ளவும்.

மகரம்

மகரம்

மகரம் ராசி வாசகர்களே, ராசிநாதன் சனி ராசிக்குள்வந்து ஜென்ம சனியாக அமர்ந்து விட்டாரே, இனி நமக்கு பெரிய தொல்லைகள் நிறையவே தொடருமோ என நீங்கள் நிச்சயமாக கவலைப்படக் கூடாது. குறிப்பாக உத்திராட நட்சத்திரக்காரர்கள் இப்போது காரணமற்ற நிறைய சச்சரவுகளை சகித்துக் கொண்டு இருப்பார்கள் தான். இந்த நிலைமை இவர்களுக்கு இம்மாத 12ம் தினத்துக்குப் பிறகு மாற்றம் பெற்று நிறைய அதிர்ஷ்ட மாற்றங்களை உண்டாக்கப்போகிறது.

திருவோண நட்சத்திரத்தினருக்கோ மாதம் துவக்கியது தொட்டு 22 தினங்கள் வரை ஏகபோக குதுாகல செழிப்புகளுடன் கண்டிப்பாக நகரும். முடியாத விஷயங்கள் நல்லபடியாக முடியும்.பொருளாதாரம் உயரும். குடும்ப இனிமை அதிகரிக்கும்.

அவிட்டத்தினருக்கோ புதிய சொத்துபத்து ஆபரண விருத்திகள் ஏற்படும் மாதம். பொதுமாக மகர ராசிக்கு விபரீத ராஜயோக நேரம் மிகமிக அற்புதமாக வேலை செய்யப் போகிற மாதம். ஆரோக்ய கெடுபிடிகள் தீர்ந்து விடும். உத்தியோகம்,பணி, பதவி விஷயங்களில் எந்த இடைஞ்சலும் இல்லை. வியாபார தொழில் வளர்ச்சியில் இறக்கமில்லை. புதிய வியாபார எண்ணத்துக்கும் தடையில்லை. வருமானம், உபரி ஆதாயங்கள் கிடைக்கிற மாதம். இந்த ராசி இளம் இருபாலருக்கும் இம்மாத 4வது வாரம் சுப கெட்டி மேளம்நிச்சயம். அவிட்டம் தம்பதியருக்கு புதிய வாரிசு பிறக்க இருக்கிற மாதம். 

இம்மாத ஞாயிறு, வெள்ளி, செவ்வாய்க் கிழமைகளிலும் 3, 4, 7, 12, 13, 16, 25ம் தேதிகளில் இல்லத்தின் அத்தனை விஷயமும் எளிதாக பூர்த்தியாகி, சுபமான சம்பவங்கள் ஈடேறிபொன் பொருள் வாகன, ஆடம்பர, சொத்து சேர்க்கைகளை கொடுக்கிற மாதம்.

பெண்கள்: 

உத்திராடம் இல்லத்தரசிகளின் அனைத்து சங்கடங்களும் பரிபூரணமாக தீருகிற மாதம்.

மாணவர்கள்: 

அவிட்டத்தினர் அனாவசிய கற்பனைகளை விலக்கி, கல்வியில்முழு நாட்டம் செலுத்தனும்.

விவசாயிகள்: 

திருவோணத்தார் பண்ணை விவசாயம், உயிர் வளர்ப்பு போன்ற பட்ஜெட்டில் இறங்குவர்.

கலைஞர்கள்: 

கடந்த மாதம் கை நழுவிப் போன பெரிய வாய்ப்பு இம்மாத 6வது தினத்துக்குப் பிறகு வரும்.

தொழிலதிபர்கள்: 

இம்மாத3வது வாரத்துக்குப் பிறகு பெரிய முதலீடு, பட்ஜெட்டில் கவனம் தேவை.

உத்தியோகஸ்தவர்கள்: 

அவிட்டத்தினருக்குதிடீர் பதவி, ஊதிய உயர்வுகள் காத்துள்ளன.

அரசியல்வாதிகள்: 

17வதுதினம் முடிந்த பிறகு கட்சி மேலிடம் தானாக அழைத்து பெரிய வாய்ப்பு, பதவி தரும்.

அனுகூல நட்சத்திரம்: 

சதயம், ரேவதி, அஸ்வினி, ரோகிணி, புனர்பூசம், மகம்,சுவாதி, அவிட்டம்.

பணவரவு: 

ஜனவரி  14, 16,17, 19, 20, 22, 23, 25, 27, 31, பிப், 1, 2, 6, 7, 12.

கவன நாட்கள் : 

ஜனவரி  14, 18,21, 24, 29, பிப்ரவரி.  3, 5, 10, 11.

பரிகாரம்: 

இம்மாத வெள்ளி, சனிக்கிழமைகளில் நவக்கிரக வலம் வந்து காளிதேவிக்கு அபிஷேக அர்ச்சணை செய்து வழிபடவும்.

கும்பம்

கும்பம்

கும்பம் ராசி  வாசகர்களே, இந்த மாதம் ராசிநாதன், தன அதிபதி 7க்குடைய கிரகம் சேர்க்கையாகி 12ம் இடத்தில் நிற்கிற நிலையால், ஏகப்பட்ட உயர்வு மாற்றங்கள் கண்டிப்பாக உண்டு.

குடும்ப நிலைமைகளில் இனிமேல்தான் நிம்மதியான ஒருபுதிய தெளிவே கிடைக்கப் போகிறது. அத்துடன் ஆரோக்யம் வகை செலவுகளுக்கும் முற்றுப்புள்ளி ஏற்படப் போகிறது.

இல்லத்தார், உறவுகள், நெருக்கமானோர் வகையில் ஏற்பட்டு வரும் இடர்ப்பாடுகளும் நல்லவித முடிவுக்கு வரப்போகிற மாதம்.

தேவை, அத்யாவசியங்களுக்கான பொருளாதார தட்டுப்பாடு ஏற்படாத மாதம். கடன், கொடுக்கல், வாங்கல், நாணயக் கோளாறுகள் எல்லாம் தீரப்போகிறது.

மாதம் துவங்கி முதல் வாரம் வரையில்தான் உத்தியோக பணி, பொறுப்பு வகையில் சிற்சில தடுமாற்றம் உண்டாகும். அதன்பின்பு எல்லா இடையூறும், சக ஊழியர் தரும் இடைஞ்சல்களும் முற்றிலுமாக ஓடிவிடும்.

மற்றபடி வியாபார நிர்வாக விஷயங்கள் மாதம் துவங்கி 11ம் தினத்துக்குப் பிறகுபெரிய ஏற்றங்களைத் தரப் போகிறது.

திருமண, சுபகாரிய ஏற்பாடுகளில் 85 சதவீதம் நிவர்த்தி ஏற்படும் புத்திர பாக்கிய தடைகளுக்கும் நிம்மதி, புதிய மகிழ்ச்சி காத்துள்ளது. சொத்துபத்து சார்பான வில்லங்கங்கள் ஒரு வழியாக தீர்வுக்கு வந்து நிம்மதி தரும்.

இம்மாதவியாழன், திங்கள், ஞாயிற்றுக் கிழமைகளிலும், 4, 5, 8, 12, 17, 23ம் தேதிகளில் புதிய வாய்ப்பு, பொருளாதார பெருக்கம் பொன், பொருள், வாகன ஆபரண, சொத்து கட்டட சேர்க்கைகள் அதிர்ஷ்டத்துடன் சேரப்போகிறது.

பெண்கள்: 

சதயத்தினரின் வாழ்வில் பல புதிய இனிமை சந்தோஷ செழிப்புகள் துவங்கும்.

மாணவர்கள்: 

உயர் கல்வி சார்பான புதிய யோசனை.

விவசாயிகள்: 

அவிட்டத்தினருக்கு நிலபுலன் சார்பான பங்கு பங்காளி பாகப் பிரிவினை விஷயங்கள் சுபமாக முடியும்.

கலைஞர்கள்: 

பூரட்டாதியினர் தயாரிப்பு ரீதியாக பெரிய பட்ஜெட் துவக்கத்துக்கு முன்தொகை பெறுவர்.

தொழிலதிபர்கள்: 

கூட்டாளிகளால் ஏற்பட்ட முதலீடு இழுபறி ஆவண சம்பந்த விஷயங்கள் முடிவுக்கு வரும்.

உத்தியோகஸ்தர்கள்: 

உத்தியோக இடமாற்றமும், ஊதிய உயர்வு விஷய மேன்மையும் ஒரே நேரத்தில் வரும்.

அரசியல்வாதிகள்: 

18வது தினம் வரை பொறுமையுடன் திட்டமிட்டுக் கொண்டிருக்கவும். யோகம் உண்டு.

அனுகூல நட்சத்திரம்: 

ரேவதி, அஸ்வினி,ரோகிணி, திருவாதிரை, பூசம், சித்திரை, பூராடம்.

பணவரவு: 

ஜனவரி  14, 15,18, 20, 22, 25, 29, 31,

பிப்ரவரி.  1, 2, 6, 7, 9, 12.

கவன நாட்கள்: 

ஜனவரி  15, 19,21, 24, 28,

பிப்ரவரி.  2, 5, 8, 11.

பரிகாரம்: 

இம்மாத சனிக்கிழமைகளில் அஷ்ட பைரவர்களில் சண்ட பைரவரை வழிபடவும்.

மீனம்

மீனம்

மீனம் ராசி வாசகர்களே, மீன ராசியினருக்கு இந்த மாதம் தொட்டு துவங்குகிற அதிர்ஷ்டம் எந்தவித தடையும் இல்லாமல் 3 1/2 மாதக் காலத்திற்கு ஜெட் வேகத்தில் நகரப் போகிறது. எனவே கண்டிப்பாக கோளாறுகள் என்பதே இல்லை என சொல்லிவிட்டு வந்திருக்கிற விசேஷ மாதம். குடும்ப இனிமையோ வெகு சூப்பராகவே உயரப் போகிற மாதம். இல்லத்தார் வழியிலும், வாழ்க்கைத்துணை சார்பாகவும் ஏற்பட்டுக் கொண்டே வந்த சிக்கல், பிரச்னையெல்லாம் தீரப் போகிற மாதம். மேலும் ஆரோக்யம் தொடர்பான அனைத்துவித அவரவர் உடல்நல சார்பாக நீடிக்கிறப் பிரச்னைகளுக்கெல்லாம் ஒட்டுமொத்த தீர்வு தருகிற மாதம்.

 தேவை, கடமை அத்யாவசிய ரீதியாக பற்றாக்குறை போராட்டங்கள் இல்லவே இல்லாத மாதம். உத்தியோகம், பதவி, பணி விஷயங்களில் இனி ஒவ்வொரு நாளும் நிம்மதிதான், உயர்வுதான். தொழில், வியாபார நிர்வாக விஷயங்கள் நீங்கள் நினைத்துள்ளபடியே பெரிய திருப்பத்தையும் அதிர்ஷ்ட லாபத்தையும் கொடுக்கும்.

கடன் கண்ணி எதிர்ப்பு விஷயங்கள் கண்ணுக்கு எட்டிய துாரம் வரை இந்த மாதத்தில் தெரியவில்லை உங்களுக்கு.

கோர்ட், வழக்கு, காவல்துறை, பஞ்சாயத்து எது சார்பாக வளர்ந்து கொண்டே வந்தாலும் இம்மாத முதல் வார முடிவுக்குள் எதிர்பாராமல் சட்டென முடிவுக்கு வந்து திக்குமுக்காட வைக்கும்.

பொருளாதார நிலைமையும் தினசரி லாப, ஊதிய, வருமான சரளமும் உயர்ந்து கொண்டே வரும்.

புத்திர பாக்கிய கவலை ஏக்கத்திற்கு இம்மாத 10வது தினத்திற்குப் பிறகு பெரிய சந்தோஷம் கிடைக்கப் போகிறது. 

இம்மாதம் உத்திரட்டாதி நட்சத்திரத்தினர் மட்டும் எல்லா விஷயத்திலும் 13வது தினம் வரை மாதம் துவங்கியதிலிருந்து கவனமாக இருக்கணும். 

இம்மாத வெள்ளி, புதன், ஞாயிற்றுக் கிழமையிலும் மாத 7, 9, 13, 16, 22, 27ம் தேதிகளில் வெகு சந்தோஷங்கள் காத்துள்ளன. பொன் பொருள், ஆடை ஆபரண சேர்க்கைகளும், வாகன சொத்து சேர்க்கையும் அமோகமாக நிகழுகிற மாதம்.

பெண்கள்: 

ரேவதியினரின் வாழ்வில் புதிய வசந்தம் வீச இருக்கிறது.

மாணவ மாணவிகள்: 

பூரட்டாதியினருக்கு மாற்று யோசனை உயர்கல்வி சார்பாக பிறந்து அதில் இறங்குவர்.

விவசாயிகள்: 

இம்மாதம் எந்த உற்பத்தி திட்டத்திலும் இறங்கினாலும் வெற்றியே.

கலைஞர்கள்: 

இம்மாதம் தான் உங்களின் கனவு வாழ்க்கையை நிறைவேற்றப் போகிறது.

தொழிலதிபர்கள்: 

பெரிய பட்ஜெட் சம்பந்தமான அரசு அனுமதியில் உண்டாகி வரும் அத்தனை தடையும், தாமதமும் விலகி விடும்.

உத்தியோகஸ்தர்கள்:  

1 1/2 ஆண்டுகள் உத்தியோக இட சிக்கல், தொல்லை, சக ஊழியரின் இடர்ப்பாடு அனைத்தும் விலகிவிடும்.

அரசியல்வாதிகள்: 

எந்தப் பதவியை தேர்ந்தெடுத்துக் கொள்வது சந்தோஷ குழப்பம் ஏற்படுத்துகிற மாதம்

அனுகூலநட்சத்திரங்கள்: 

அஸ்வினி, கார்த்திகை, ரோகிணி, பூரம், சித்திரை, அனுஷம், சதயம்.

பணவரவு: 

ஜனவரி  14, 15, 16, 20, 23, 24, 27, 29, 31,

பிப்ரவரி.  1, 2, 7, 8, 9, 11, 12.

கவன நாட்கள்: 

ஜனவரி  15, 17, 21, 25, 28,

பிப்ரவரி.  2, 3, 6, 10.

பரிகாரம்: 

இம்மாதம் மகாலட்சுமி வழிபாடும் சொர்ண ஆகர்ஷன பைரவர் வழிபாடும் செய்து வரவும்.